Бишкек шаарындагы Абдрахманов көчөсүндөгү жол өтмөктө оңдоо иштерине байланыштуу унаа кыймылына убактылуу чектөө киргизилет. Бул тууралуу муниципалитет билдирди.
Маалыматка ылайык, долбоордун алкагында жол өтмөктүн шып бөлүгүн каптоо жана жылуулук тармактарынын инженердик коммуникацияларын монтаждоо иштери жүргүзүлөт.
Буга байланыштуу бүгүн саат 18:00дөн тартып дүйшөмбү күнгө чейин Абдрахманов көчөсүнүн Бөкөнбаев көчөсүнөн Кулатов көчөсүнө чейинки түштүк багыттагы тилкесинде унаа кыймылынын бир тилкеси убактылуу жабылат.
Муниципалитеттин маалыматына ылайык, бул тилкеде унаа кыймылы убактылуу киргизилген чектөөлөргө ылайык уюштурулат.
Айдоочуларга жол жүрүү багытын алдын ала пландап, убактылуу жол белгилеринин талаптарын жана жол кыймылынын коопсуздугун камсыздаган кызматкерлердин көрсөтмөлөрүн так сактоо сунушталды.
