Борбор Азиядагы адам укуктары боюнча конгресстин координатору Турсунбек Акун: Орусиянын Екатеринбург шаарында январдын башында жергиликтүү тартип коргоо органдары мигранттарга каршы аракет көрүп, бир ишканада эмгектенгендерди кармап, аларга ыдык көрсөтүп, казча бастырган. Кордолгондордун арасында Кыргызстандан барган 3 жигит да бар экен, текшергенде, алардын документтеринин баары ордунда жана туура болуп чыкты.
Мен Екатеринбург шаарына барып, Свердлов облусунун омбудсмени Татьяна Мерзлюкова менен жолугуп, сүйлөштүм. Мындай окуяны ал сынга алып, аны – адам укуктарынын бузулушу деп сыпаттады. Маселе боюнча Кыргызстандын консулдугу дагы жакшы иштеп жатыптыр. Андан соң Москвага барып, Орусия омбудсмени Татьяна Москалькованын аппарт жетекчиси жана бышка кызматкерлери менен дагы маселени талкууладык…
