Кыргызстандын Россия Федерациясындагы элчилиги социалдык тармактарда тарап жаткан Москва шаарынын Химки районундагы белгисиз адамдардын чыр-чатагы тууралуу түшүндүрмө берди. Бул тууралуу элчиликтин басма сөз кызматы «7tv.kg» маалыматтык сайтына билдирди.
Анын айтымында, чыр-чатактан 4 кыргыз жараны жаракат алган, бирок, социалдык тармактарда тарап жаткан улуттар аралык негиздеги чыр-чатактын келип чыгуусу жөнүндө маалыматтар чындыкка дал келбейт. Ал эми учурда Россия Федерациясынын тиешелүү компетенттүү органдары тарабынан күнөөлүүлөрдү аныктоо боюнча тергөө иш-чаралары жүргүзүлүп жатат.
Ошондой эле кыргыз жарандарына элчилик тарабынан туруктуу негизде юридикалык жана консулдук жардам көрсөтүлүүдө.
Элчилик Кыргыз Республикасынын жарандарын чагымчылдыкка алдырбоого, сабырдуу болууга жана Россия Федерациясынын мыйзамдарын бузбоого чакырат!