Биринчи Элдик курултайды өткөрүүгө байланыштуу Бишкектин негизги көчөлөрү 24-ноябрдан 27-ноябрга чейин жабык болот. Бул тууралуу Милициянын кайгуул кызматы билдирди.
Маалыматка ылайык, аталган күндөрү курултайга аймактардан келген катышуучуларды ташуу учурунда гана жолдор жабылат.
Чектөө киргизиле турган көчөлөрдүн тизмеси:
- Жибек Жолу кең көчөсү Фучик көчөсүнөн Лермонтов көчөсүнө чейин;
- Абдрахманов көчөсү Жибек Жолу кең көчөсүнөн Түштүк магистралга чейин;
- Манас /Чыңгыз Айтматов кең көчөсү Жибек Жолу кең көчөсүнөн Түштүк магистралга чейин.
Белгилей кетсек, «Элдик Курултай чакыруу жөнүндө» президенттин жарлыгына ылайык, үстүбүздөгү жылдын 25-26-ноябрь күндөрү Токтогул Сатылганов атындагы улуттук филармонияда Биринчи Элдик курултай өтөт.
