Афганстандын «Талибдерге» каршы армиясы алсыз болуп чыкты. Бул тууралуу оюн Грузиянын мурдагы Президенти Михаил Саакашвили билдирди.
«Мен 10 жыл мурда эле айткам. Эгерде Америка Афганстанды таштай турган болсо аны дароо эле талибдер басып алат деп. Бирок, менин америкалык досторум мындай оюмду четке кагып, Афганистандын армиясын жакшы деңгээлде даярдап жатканын жана курал-жарак менен камсыздаганын айткан. Мен аларда курал-жарак бар болсо дагы ички сезимдери жок экенин айткам. Тилекке каршы, меники туура болуп чыкты. Эми алар муну менен эле токтобойт. Алардын кийинки максаты Борбор Азия болот», — деп жазган ал.