Казакстандын Түркестан облусундагы менчик бала бакчада балдар тамак-ашка жапырт ууланды. Бул тууралуу казак басылмалары жазып чыкты.
Алдын ала маалыматтарга караганда, балдарга эртең менен ботко, түштө шорпо берилген. Тамактангандан кийин бөбөктөрдүн абалы начарлап, кусуп баштаганда тез жардам чакырылган.
Эки жана үч жаштагы 34 бөбөк ууланган. Алардын көбү биринчи медициналык жардам алган соң, үйүнө кеткен. Ал эми ооруканада үч бала калган. Дарыгерлердин айтымында бейтаптардын абалы туруктуу.
Учурда санитардык дарыгерлер жапырт уулануунун себебин аныктоо үчүн лаборатордук изилдөөлөрдү жүргүзүп жатканы айтылды.
