Казакстандын Кризистик кырдаалдарда башкаруу борборунун саат 16:05 берген маалыматына ылайык, учак ичиндеги Кыргызстандын 2 жараны ооруканага жеткирилген. Бул тууралуу ӨКМ билдирди.
Такталган маалымат боюнча 1998-жылы туулган О.Т. жана 2004-жылы туулган А.Р. аттуу жарандар. Ал эми калган 1 жаран боюнча тактоо иши жүрүүдө.
Аварияга кабылган учактын ичинде жалпы 67 адам болгон. Анын ичинен 5 экипаж, Азербайжандын 37, Орусияныны 16, Казакстандын 6 жараны болгон. Учурда 28 жаран ооруканага жеткирилген. Жеринде Казакстандын куткаруучулары тарабынан тиешелүү жумуштар жүрүүдө.
Азыркы тапта Кыргызстандын Өзгөчө кырдаалдар министрлигинин Кризистик кырдаалдарда башкаруу борбору Азербайжан, Казакстандык кесиптештери менен онлайн түрдө ыкчам маалымат алмашуу жүргүзүүдө. Кошумча маалымат берилет.
