Кеминде ар бир жылкыга чип басылып, идентификациялоо иштери жүргүзүлүп жатат. Бул тууралуу райондук администрациядан билдиришти.
Маалыматка ылайык, идентификациялоо иши 2021-жылдын июль айынан бери «Жаныбарларды жана жаныбарлардан алынган азыктарды идентификациялоо жөнүндө» мыйзамынын негизинде жүргүзүлүп келет.
Анын максаты чарбаларды каттоо, идентификациялоону жана идентификацияланган жаныбарларды бирдиктүү мамлекеттик реестрине каттоо болуп эсептелинет.
«Ар бир айылда жылкыларды чиптөөдөн өткөрүү үчүн «раскол» орнотулуп, жылкыларды идентификациялоодон өткөрүү иштери жүргүзүлүп жатат.Кемин райондук ветеринардык жана фитосанитардык коопсуздук боюнча башкармалыгы тарабынан идентификацияланган жаныбарлардын кыймылынын эсебин жүргүзүүгө, ошондой эле идентификациялоо каражаттарын жана жаныбарларды идентификациялоо үчүн зарыл башка көмөкчү материалдар менен камсыз кылуу жагы колго алынган. Район башчысы Алайбек Жумаев бул ишти жеке көзөмөлүнө алып, активдештирүү үчүн иш жүргүзүүдө», — деп берилет маалыматта.
