«Коопсуз шаар» долбоорунун экинчи этабы 2022-жылы толугу менен ишке ашат. Бул тууралуу Бишкектеги брифингде Жол кыймылынын коопсуздугун камсыздоо башкы башкармалыгынын (ЖКККББ) башчысынын орун басары Ыманалы Саркулов билдирди.
Анын айтуусуна караганда, долбоордун экинчи этабын ишке ашырууда кытайлык компания жеңүүчү болгон. Келишимге ошол кездеги мамлекеттик байланыш комитети менен кытайлык тарап кол койгон.
Ишке ашыруу планында пандемияга байланыштуу убакыт маселеси жаралган. Ошого байланыштуу келишим узартылган.
