Жума күнү күндүз Чүй, Ысык-Көл облустарынын көпчүлүк аймактарында, Талас, Нарын өрөөндөрүнүн айрым жерлеринде, өткүн өтөт. Башка аймактарда күн ачык болот. Бул тууралуу Кыргызгидромет билдирди.
Абанын температурасы Чүйдө +21…+26, Талас аймагында +23…+28, Ош, Жалал-Абад жана Баткен облустарында +30…+35, Ысык-Көл жергесинде +21…+26, Нарын өрөөнүндө +22…+27 градус жылуу болот.
Борбор калаада күндүз өткүн өтүп, күн күркүрөп +28…+30 градус ысык болсо, Ош шаарында күндүн табы +32…+34, Чолпон-Атада +21…+23 градуска көтөрүлөт.
