Ош шаарынын аэропортунда маркум Камчы Асанбектин уюшкан кылмыштуу тобунун активдүү мүчөсү, “Таранчы” каймана аты менен белгилүү Н.Н.К. кармалды. Бул тууралуу УКМКдан билдирди.
Аталган уюшкан кылмыштуу топтун мүчөсү физикалык зомбулук көрсөтөм деп коркутуу менен Жалал-Абад облусунун Чаткал районунун аймагындагы тоо-кен фирмаларынын жумушчуларына салык салуу аракетин көргөн. Учурда ага карата опузалоо фактысы боюнча тиешелүү тергөө иш-чаралары жүргүзүлүүдө.
Кармалган жаран убактылуу кармоочу жайына киргизилди. УКМК аталган жарандын кылмыштуу иш-аракеттеринен жапа чегиши мүмкүн болгон жарандарды нөөмөт кызматына кайрылуусун өтүнөт.
