Кыргызстандык спортчулар Эр-Риядда өтүп жаткан Бүткүл дүйнөлүк оюндарда 10-орунга көтөрүлүштү. Бул тууралуу маалымат Wrestling Liveresults сайтына жарыяланды.
Маалыматка ылайык, 27-октябрга карата өлкө эсебинде 4 алтын, 2 күмүш, 7 коло медаль бар.
Казак күрөшү боюнча кыз-келиндер арасында 60 кг салмакта Бегай Бейшеналы кызы, алыш күрөшү боюнча эркектер арасында 90 килограмм салмакта Азизхан Мусабек уулу, 70 килограмм салмакта Марлен Абдрасулов, кыз-келиндер арасында 55 килограмм салмакта Элзада Момунжанова алтын медаль алышты.
Эскерте кетсек, Эр-Рияддагы Бүткүл дүйнөлүк оюндар 25-октябрда башталган. Кыргызстандын спортчулары оюндардын 15 түрүнөн күч сынашып жатат. Турнир 30-октябрда жыйынтыкталат.
