Ушул жылдын январь айында өлкөнүн тышкы карызы 4 миллиард 290,3 миллион доллар болсо, сентябрда анын көлөмү 4 миллиард 162,6 миллион долларды түздү.
Өткөн жылдын аягынан бери КРдин тышкы мамлекеттик карызы 132 миллион долларга азайды. Бул тууралуу Финансы министрлиги маалымдады.
Айта кетсек, мамлекеттик тышкы карыз — эл аралык уюмдардан, чет өлкөлөрдөн түрдүү валюталар менен алынган насыялар. Ички карыздар мамлекеттик баалуу кагаздарды (сом менен) чыгаруунун эсебинен түзүлөт.
- Тышкы карыздар боюнча көрсөткүчтөр:
- 2021-жылдын декабрь айы (31-декабрга карата) — 4 миллиард 294,6 миллион;
- 2022-жыл, январь — 4 миллиард 290,3 миллион;
- февраль — 4 миллиард 301,8 миллион;
- март — 4 миллиард 282,5 миллион;
- апрель – 4 миллиард 191 миллион;
- май — 4 миллиард 215,1 миллион;
- июнь — 4 миллиард 190,8 миллион;
- июль — 4 миллиард 212,1 миллион;
- август — 4 миллиард 179,8 миллион;
- сентябрь — 4 миллиард 162,6 миллион.
