Кыргызстанга автоунааларды мыйзамсыз алып кирүү аракетине бөгөт коюлду. Бул тууралуу УКМКдан билдирди.
Тактап айтканда, М.З.Ж. аттуу КР жараны өзүнүн шериктери менен 8 даана автоунаага жасалма документтерди колдонушуп, КР аймагында андан ары легалдаштыруу жана сатуу үчүн «Каркыра-Автожол» көзөмөл-өткөрүү пункту аркылуу мамлекеттик чек араны кесип өтүүгө аракет кылышкан.
Атайылап жасалма документтерди колдонуу фактысы боюнча УКМК тарабынан кылмыш иши козголду.
Учурда кармалган жаран Каракол ШИИБнын убактылуу кармоочу жайына киргизилди.
Ошол эле учурда аталган фактыга тиешеси бар башка адамдарды аныктоо боюнча комплекстүү ыкчам-иликтөө иш-чаралары жүргүзүлүүдө.
