Ош облусунун Араван жана Алай райондорунун мамлекеттик нотариалдык кеңсесинин кызматкерлеринин мыйзамсыз иштери аныкталды. Бул тууралуу УКМКдан билдирди.
Маалыматка ылайык, Б.Г.Ш. жана И.Л.Ж аттуу нотариустары системалуу негизде мыйзамсыз жеке баюу максатын көздөп, нотариалдык аракеттердин процессин жасалма татаалдатуу жолу менен, өздөрүнүн укукка каршы аракеттери менен кайрылган жарандар үчүн кыйын абалды жаратып, нотариалдык документтерди тариздөөдө акча каражаттарын талап кылышкандыгы аныкталды.
Мындан улам, 10-майда жана 17-июлда козголгон кылмыш иштеринин алкагында жогорудагы кызматкерлер кайрылган адамдардан акча каражатын өндүрүү учурунда кармалды.
Учурда тергөө иштери жүрүп жатат.
