Бишкек шаарынын тургундары таштандыны кечки саат жетиден түнкү саат он экиге чейин чыгаруусу керек. Бул тууралуу муниципалитеттен кабарлайт.
«Тазалык» ишканасынын кызматкерлери таштанды челектерин саат 24:00дөн баштап таңкы 06:00гө чейин тазалап кетет.
«Эртең менен балдарды окууга же бала бакчага же өзүңөр жумушка кетип атканда таштап кетип жатасыздар. Ошол үчүн күндүз кечке таштанды челектер толуп турат. Күндүз жол тыгындардын кесепетинен таштанды чогултуп кетиш абдан оорчулукту жаратат. Шаардын баардык жагынан күндүз кайрадан таштанды чогултуш мүмкүн да эмес», — деп белгилешет мэрия.
