Шайлоо жана референдум өткөрүү боюнча борбордук комиссиясына 4-октябрга карата бир мандаттуу шайлоо округдарынан депутаттыкка 92 талапкерден арыз түштү. Алардын арасында мурдагы Ички иштер министри Мелис Турганбаев дагы бар. Бул тууралуу БШК басма сөз кызматы билдирди.
Анын арызында өзүн өзү көрсөтүү менен №28 Октябрь округунан бара жатканы жазылат.
Эске сала кетсек, Садыр Жапаровдун жарлыгы менен 2021-жылдын 28-ноябры Жогорку Кеңеш депутаттарын шайлоо өтөт. Жогорку Кеңештин 54 депутаты пропорционалдык система боюнча (саясий партиялардын талапкерлеринин ачык тизмелери боюнча), 36 депутат бир мандаттуу шайлоо округдарында мажоритардык система боюнча шайланат.