М. Рыскулов атындагы Нарын облустук академиялык музыкалуу-драма театрынын режиссёр-коюучусу Шамбет Мендебаиров 51 жаш курагында 1-майда мезгилсиз дүйнөдөн кайтты. Бул тууралуу Маданият министрлигинен билдиришти.
Шамбет Мендебаиров 1972-жылдын 22-август айында Нарын облустуна караштуу Жумгал районунун Чаек айылында туулган.
1997-2003-жылдары Бишкек шаарындагы Б.Бейшеналиева атындагы Кыргыз мамлекеттик искусство институтунун “Театр жана кино” факультетинин “Режиссура” кафедрасын аяктаган. 2012-жылдан ушул күнгө чейин М.Рыскулов атындагы Нарын облустук академиялык музыкалуу-драма театрында көркөм жетекчи, режиссер-коюучу болуп эмгектенген.
7-каналдын жамааты маркумдун үй-бүлөсүнө жана жакындарына көңүл айтып, аза кайгысын тең бөлүшөбүз.
