7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Июнь 2024
Пн Вт Ср Чт Пт Сб Вс
 12
3456789
10111213141516
17181920212223
24252627282930
  • social_icon
  • social_icon
  • social_icon
  • social_icon

Нурланбек Шакиев Бакуда Чыңгыз Айтматовдун эстелигине гүл койду

163

Бүгүн, 4-июнда Жогорку Кеңештин төрагасы Нурланбек Шакиев баштаган делегация Азербайжандын борбор калаасы Баку шаарындагы улуу кыргыз жазуучусу Чыңгыз Айтматовдун эстелигине гүл коюп, залкар калемгерди эскеришти.

Эки өлкө ортосундагы бир туугандыктын, достуктун жана биримдиктин символу катары Чыңгыз Айтматовдун элеси түшүрүлгөн эстелик Кыргыз Республикасынын Президенти Садыр Жапаровдун Азербайжан Республикасындагы мамлекеттик сапары учурунда ачылган. Ага Азербайжандын Президенти Ильхам Алиев да катышкан. Эки өлкө башчылары маданий байланыштардын маанилүүлүгүн белгилешип, Кыргызстан менен Азербайжандын ортосундагы достукту чыңдоодо Чыңгыз Айтматовдун ролу чоң болгонун билдиришкен.

Алсак, Баку шаарынын борборундагы паркта жайгашкан эстелик азербайджан скульптору Натиг Алиев тарабынан жасалган.

Эскерте кетсек, төрага Нурланбек Шакиев Азербайжан Республикасында расмий сапар менен жүрөт. Делегациянын курамында депутаттар Саидбек Зулпуев, Чолпон Султанбекова, Нуржигит Кадырбеков, Уланбек Бакасов, Таалайбек Сарыбашов, Дастанбек Джумабеков, Кубанычбек Самаков, Мирлан Самыйкожо жана парламенттин Аппаратынын жетекчиси Алайбек Алымбаев бар.

 

 

 

164