Социалдык тармактарда мектеп окуучусунун сабалышы тартылган видео боюнча Агартуу министрлиги расмий маалымат берди.
Министрликтин маалыматына ылайык, окуя 29-майда Жети-Өгүз районундагы жеке менчик «Кут Билим» окуу-тарбия комплексинде болгон.
«Учурда бул факты боюнча Ички иштер министрлиги тарабынан териштирүү иштери жүргүзүлүүдө. Мектепте окуучулардын ата-энелери менен түшүндүрүү иштери өткөрүлгөн. Окуядан кийин аталган билим берүү мекемесинин директору кызматынан бошотулуп, учурда окуу жайды жаңы дайындалган жетекчи башкарып жатат»-деп айтылат маалытта.
