Мектеп окуучулары мамлекеттик экзамен тапшырбайт. Бул тууралуу Билим берүү жана илим министрлигинин мектеп жана мектептен тышкары билим берүү башкармалыгынын жетектөөчү адиси Кылым Сыдыкназарова билдирди.
Маалыматка ылайык, 9- 11-класстарынын бүтүрүүчүлөрү пандемияга байланыштуу мамлекеттик экзамен тапшырышпайт.
«Атайын предметтик комиссия түзүлөт, ал окуучулардын бир жыл аралыгындагы жетишкендиктерин карап чыгат жана чейректердеги баалардын негизинде экзамендик баалар коюлат .Өлкөдөгү эпидемиологиялык кырдаалды эске алуу жана окуучулардын коопсуздугун камсыздоо максатында кабыл алынды. Эгер окуучу же анын ата-энеси баалар менен макул болбосо, алар апелляциялык комиссияга кайрыла алышат», — дейт ал.