Ошто Баяман Эркинбаевдин жаркын элесине арналган грек-рим күрөшү боюнча эл аралык турнир өтүп жатат. Бул тууралуу Ош шаардык мэриясынын басма сөз кызматынан кабарлашты.
Маалыматка ылайык, эл аралык турнир Ош шаарында эки күн катары «Алыш» спорт комплексинде өтөт. Бул турнирге вице-мэр Венера Рыскулова, грек-рим күрөшү боюнча Ош шаардык жана облустук федерациянын президенти Семетей Козуев, спортчулар жана машыктыруучулар катышты.
Ошондой эле турнирде Кыргызстан, Казакстан, Өзбекстандан 300дөн ашык спортчу күч сынашып, Акжол Махмудов жана башка спорт чеберлери дагы бар.
Белгилей кетсек, мелдештин жеңүүчүлөрү баалуу белектер менен сыйланат.