Керимбек Калыкулов мэриянын коомчулук менен байланыш кызматынын жетекчиси болуп дайындалды. Буйрукка 4-октябрда шаар мэри Алмаз Мамбетов кол койду.
Маалыматка ылайык, Калыкулов буга чейин ОшМУнун «Нур» гезитинде радактор, «Үмүт» телестудиясынын жетекчиси, Ош шаардык «Ош шамы» гезитинде башкы редактор, ЭлТР, ОшТВ телеканалдарында башкы директор болуп эмгектенген.
Эскерте кетсек, Ош шаардык мэриясынын коомчулук менен байланыш кызматынын жетекчиси болуп ушул жылдын август айына чейин Азамат Абсаттаров иштеп турган.