Ош шаарында индиялык студент көп кабаттуу үйдүн 6-кабатынан кулап көз жумду. Бул тууралуу 7-каналга Ош ШИИБден билдиришти.
Маалыматка ылайык, окуя бүгүн, 5- майда болжол менен саат 16.00 чамасында болгон. Анда Индиядан келген 2001-жылы туулган ОшМУнун медицина факультетинин 4-курсунун студенти өзү жашаган Курманжан датка кичи районундагы көп кабаттуу үйдүн 6-кабатынан кулаган.
Окуя болгон учурда ал үйдө бирге жашашкан жана үйүнө келген бир нече мекендеш коноктору болгон.
Учурда бул факт боюнча териштирүү иштери башталып, экспертизалар дайындалды.
