Бүгүн 27-мартта милиция кызматкерлери тарабынан Бишкек шаарынан Ош шаарына 2001-жылы туулган Т.Н. алынып келинди. Бул тууралуу Ош шаардык ички иштер башкармалыгынын басма сөз кызматынан билдирди.
Анын үстүнөн эки арыз түшкөн: 25-мартта активист жана блогер Азамат Ормокеев Т.Н.нын үстүнөн арыз менен кайрылып, анын Ош шаарынын Достук көпүрөсундө бейтааныш жарандын башка кызга карата одоно уят сөз айткандыгы боюнча иликтөөгө алып, ал жигитке мыйзам чегинде чара көрүүнү суранган.
Ушундай эле мазмундагы арыз менен 26-мартта Өзгөн районуну тургуну 2002-жылы туулган жашоочусу арыз менен кайрылып, аны 25-мартта Достук көпүрөсүнөн өтүп бара жатканда белгисиз жаран видеого тартып, уят сөз айткандыгын, аны кийин интернеттен, видеодон көргөндугун билдирип, бул жаранга карата чара көрүүнү суранган.
Жаран Т.Н. ыкчам кызматкерлер тарабынан Ош ШИИБнын тергөө кызматына өткөрүлүп берилди. Анын кыймыл-аракетине юридикалык баа берилет.
Видеодо: Т.Н. Ош шаарындагы кайрылуусу
