Мурда бир нече жолу соттолгон жаран кылмыш ишин бүтүрүү максатында акча беремин деп колго түштү. Бул тууралуу ИИМ кабарлады.
Кадамжай районунун Үч-Коргон айылында Кызыл-Кыя шаарынын 62 жаштагы тургунун текшерген учурда жанынан кара-күрөң түстөгү өзгөчө жыты бар зат табылган. Соттук-химиялык экспертизадан кийин «гашиш» түрүндөгү бангизат каражаты экендиги аныкталган.
“Женго” каймана аты менен белгилүү Кадыр Досоновдун уюшкан кылмыштуу тобунун активдүү мүчөсү, “Хажы” каймана аты менен жүргөн Кызыл-Кыя шаарынын А.С. аттуу тургуну өзүнүн мурда жасаган кылмышын жаап салуу үчүн милиция кызматкерине пара катары 1000 АКШ долларын берген учурда кармалган.
Шектүү убактылуу кармоо жайына киргизилип, тергөө иштери уланууда.
