Мен Теңгиз Бөлтүрүккө «уурулук, ашыкча ысырапчылык болбосун, таза иште” — деп какшап келгем. Мен билгенден он чакты адам камакта. Азыр эми камалгандардын баары чыгымды ордуна толук кайтарып коюшсун. Бул туурасанда Садыр Жапаров Кабар маалымат агенттигине берген маегинде билдирди.
«Мамлекет билбей калат дешсе керек. Жакшылап, көздү чоң ачып текшерсе, баары чыгат. Мен Теңгиз Бөлтүрүктү коюп жаткан күндөн баштап камалганга чейин, “Мамлекеттин укуругу узун. Бир сомдун артынан кубалап барат. Уурулук, ашыкча ысырапчылык болбосун, таза иште”- деп какшап келгем. Тилекке каршы, ушундай болду. Мен билгенден он чакты адам камакта. Азыр эми камалгандардын баары чыгымды ордуна коюп коюшсун. “Бир топ сумма кайтарылды”- деп бир апта мурда башкы прокурор айтып атты эле. Толук кайтарып коюшсун. Андан кийин укук коргоо менен сот органдары үй камагына чыгаруу маселесин карашса керек? Буларды түрмөдө чирители деген эч кимдин ою жок»- деди өлкө башчы.