7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Май 2024
Пн Вт Ср Чт Пт Сб Вс
 12345
6789101112
13141516171819
20212223242526
2728293031  
  • social_icon
  • social_icon
  • social_icon
  • social_icon

Президент тоо лыжа кластерин өнүктүрүү боюнча жумушчу жыйын өткөрдү

216

Президент Садыр Жапаров бүгүн, 29-апрелде, “Үч чоку” кластерин өнүктүрүү планынын бетачарына арналган жумушчу жолугушуу өткөрдү.

Мамлекет башчысына тоо лыжа долбоорунун негизги багыттары, артыкчылыктары, ошондой эле ишке ашыруу жана өзүн-өзү актоо мөөнөттөрү тууралуу маалымат берилди.

Франциялык S3V (Société de Trois Vallees) компаниясынын башкы директору Паскаль де Тьерсан “Үч чоку” кластери Борбордук Азиядагы эң ири лыжа базасы боло аларын билдирди.

Ал белгилегендей, долбоор Ысык-Көл облусундагы үч тоо чокусун камтыйт: Жыргалаң, Ак-Булак жана Боз-Учук. Планга ылайык, бул жерлерде жалпы узундугу 200 чакырымды түзгөн лыжа трассалары курулат.

Долбоор ишке ашкандан кийин 4,8 миң жумушчу орун түзүлөт деп күтүлүүдө. Салык төлөмдөрүнүн көлөмү 146 млн еврону түзөт. Аталган курорттор жылына 10 ай иштеп, аларга 850 миңге чейин турист келе алат.

Кластерди куруунун биринчи этабынын алкагында 60 км лыжа трассасы жана алты асма жол курулат. Пландаштырылган иштер 2026-жылдын аягына чейин аяктайт жана 165 млн евро инвестиция тартууну талап кылат.

Ошону менен бирге туристтерге ыңгайлуу болушу үчүн мейманканалар, ресторандар, этно-шаарчалар, конференц-залдар, ошондой эле башка эс алуу зоналары камтылган комплекстүү инфраструктура курулат.

Маалыматты угуп, Мамлекет башчысы тоо лыжа кластерин ишке ашыруунун маанилүүлүгүн баса белгилеп, мамлекеттин катышуусун талап кылган бардык маселелерди иликтөө боюнча зарыл иштерди жүргүзүүнү тапшырды.

Президент Садыр Жапаров өз сөзүндө Кыргызстандын уникалдуу жаратылышы, ошондой эле туристтик потенциалы экономиканы өнүктүрүүнүн негизги багыттары болууга тийиш экендигине басым жасады. “Үч чоку” кластери жергиликтүү жана эл аралык инвестицияларды тартуу үчүн жаңы перспективаларды ачып, аймактын туризмин жана экономикасын өнүктүрүүдөгү масштабдуу долбоор болушу мүмкүн.

217