Ички иштер министрлигинин КМКнын аймактар аралык башкармалыгынын кызматкерлери тоноочулукка шектүү жарандын бетин ачышты. Бул тууралуу аталган башкармалыктын басма сөз кызматы билдирди.
Маалыматка ылайык, 22-июнда А.М. аттуу жаран ички иштер органдарына кайрылып, Кара-Суу районундагы көчөлөрдүн биринде белгисиз адам күч колдонуп, анын смартфонун жана 119 миң 800 сомун тартып алганын айтып, арыз менен кайрылган.
“Кечээ түнү ыкчам кызматкерлери тарабынан тоноочулукка шектелген жаран кармалды. Ал Россияда оор кылмыш жасагандыгы үчүн издөөдө жүргөн 1982-жылы туулган О.Э., экени аныкталды”, — деп берилет маалыматта.
