Президент Садыр Жапаров Президенттин аймактардагы ыйгарым укуктуу өкүлдөрүн дайындады. Бул тууралуу президенттин расмий сайтында жарыяланды.
Маалыматка ылайык, Садыр Жапаров кол койгон Жарлыкка ылайык Ашимбаев Сабыркул Абасович Президенттин Нарын облусундагы ыйгарым укуктуу өкүлү болуп дайындалды.
Эске салсак, буга чейин Кыргыз Республикасынын Өкмөтүнүн облустардагы ыйгарым укуктуу өкүлдөрү институту Кыргыз Республикасынын Президентинин облустардагы ыйгарым укуктуу өкүлдөрүнүн институту болуп кайра түзүлгөн.
