«Соң-Көл балык чарбасы» мамлекеттик ишканасынын кызматкерлери тарабынан рейддик иш-чара өткөрүлдү. Бул тууралуу Суу ресурстары, айыл чарба министрлиги билдирди.
Маалым болгондой, иш-чаранын алкагында көлдүн акваториясында мыйзамсыз коюлган синтетикалык балык уулоочу торлорду аныктоо жана тазалоо иштери жүргүзүлдү.
Рейддин жүрүшүндө жалпы узундугу 37 миң метрди түзгөн мыйзамсыз торлор алынып, көлдөн тазаланды.
Учурда Соң-Көлдү мыйзамсыз балык уулоочу шаймандардан тазалоо жана анын мелиоративдик абалын жакшыртуу боюнча иштер улантылууда.
