Чүй облусунун Сокулук районундагы Селекция айылында аялын бычактоого шектелген 39 жаштагы жаран кармалды. Бул тууралуу Чүй ОИИБден билдиришти.
Окуя тууралуу билдирүү бүгүн Сокулук райондук ички иштер бөлүмүнө түшкөн. Бычактан 36 жаштагы Н.А. аттуу келин оор абалда ооруканага түшкөн.
Аталган факт боюнча Кылмыш-жаза кодексинин 130-беренесине («Денеге оор залал келтирүү») ылайык кылмыш иши козголгон.
Бул кылышка шектүү делип 1984-жылы туулган Э.А. аттуу жаран кармалып, убактылуу кармоочу жайга киргизилген.
Учурда тергөө иштери улантылууда.
Айрым ЖМКлардын маалыматына таянсак, шектүү аялынын бети башын кескилеп, таң атканча кыйнаган.
