Сокулук районунун Төмөнкү-Чүй айылында бир нече адам жарандарды себепсиз сабаган. Бул тууралуу Чүй облустук милициясынан билдиришти.
Маалыматка ылайык, 28-июлга караган түнү Сокулук районунун Төмөнкү-Чүй айылында топ балдар эч себепсиз жолдо бир нече жаранды сабап, эки унаага зыян келтиргендиги тууралуу маалымат түшкөн.
Аталган факт Сокулук райондук милициясына катталып, тергөөгө чейинки текшерүү иштери башталган.
«Учурда бул окуяга тиешеси бар адамдардын бардыгы аныкталып, алты адам Сокулук райондук милициясынын тергөө кызматына өткөрүп берилип, тергөө амалдары жүрүүдө. Кошумча маалымат берилет»,- дешти.
Буга чейин соцтармакта өтүп бара жаткандарга союл менен кол салган жарандардын видеосу тараган.
