Сот Төрөбай Зулпукаровдун тергөө мөөнөтүн узартып, абакта калтырды. Бул тууралуу Биринчи Май райондук сотунун басма сөз кызматы билдирди.
Маалыматка ылайык, Бишкек шаарынын Биринчи май райондук сотунун 2021-жылдын 27-июлундагы токтомуна ылайык, шектелүүчү Төрөбай Зулпукаровго карата мурда тандалган камакка алуу түрүндөгү бөгөт коюу чарасынын мөөнөтү тергөө мөөнөтүнө, башкача айтканда 2021-жылдын 30-сентябрь күнүнө чейин узартылды.
Эске салсак, Төрөбай Зулпукаров УКМК тарабынан «Кумтөр» маселеси боюнча кармалган.