Сузак райондук ички иштер бөлүмүнүн кызматкерлери №2 Дом-Ата мектебинде окуучулар менен терегек стол өткөрүштү. Тартип сакчылары менен 10-11-класстардын окуучулары “Адам укугун коргойбуз, кылмыштуулукка жол бербейбиз” деген темада талкуу жүргүзүштү. Бул тууралуу Жалал-Абад облустук ички иштер башкармалыгынын басма сөз кызматы билдирди.
Маалыматка ылайык, бул иш-чаранын алкагында окуучулардын чакан сахналаштырылган көрүнүштөрү көрсөтүлгөн.
«РИИБдин жашы жете электер менен иштөө инспекциясынын инспекторлору мектеп окуучуларын ар кандай кылмыш жана кырсыктардан алыс болууга чакырышты. Ошондой эле татыктуу билим алууга, келечекте мекенди сүйүүгө жана кызмат кылууга, өлкөбүздүн өнүгүүсүнө салым кошууга үндөштү», — деп берилет маалыматта.