УКМК төрагасынын жана Башкы прокурордун атын жамынып опузалап акча талап кылгандар кармалды. Бул тууралуу УКМК билдирди.
Камчыбек Ташиев менен Курманкул Зулушев менен байланышы бар экенин айткан жарандар А.Г.Эден, күйөөсүнө карата соттун оң чечими үчүн 8 миң АКШ доллар акча каражатын талап калышкан.
Мындан сырткары, мурда алдамчылык беренеси менен кылмыш иши козголгон Т.Т. тарабынан жабырлануучуга психологиялык кысым көрсөтүлгөнү катталды.
Ал эми К.И.А. УКМК төрагасынын жээни, ошондой эле мурдагы башкы прокурор Курманкул Зулушевдин өкүл баласы жана жаңы прокурор Максат Асаналиевдин тууганы экенин, сотторго таасир эте аларын айтып, күйөөсүн бошотуу мүмкүн экенине ынандыруу үчүн колдон келген аракетин жасаган.
Бул жарандар 27-июнда акчанын бир бөлүгүн алгандан кийин кармалып, УКМКнын тергөө абагына киргизилди.
