Токио Олимпиадасына катышууга Япониянын батыш аймагында машыгып жаткан Угандык спортчу дайынсыз жоголду. Бул тууралуу «Kyodo» басылмасы кабарлайт.
Маалыматка ылайык, 20 жаштагы Джулиус Ссекитолеко коронавируска анализ тапшыруу алдында дайынсыз жоголгон. Шериктери аны акыркы жолу кечээ 16-июль түшкү саат 12:30 да көрүшкөн. Жергиликтүү бийлик менен милиция спортчуну издөө иши жүрүп жатканын билдирген.
Бул кырдаал Олимпиада уюштуруучуларын тынчсыздандырууда. Анткени вируска каршы иш-чараларга байланыштуу, спортчулар коомдук жайларга барып, жергиликтүү эл менен жолугушуусуна тыюу салынган.
Угандын спортчулары Японияга 19-июнда эле барып, Олимпиадага даярдык көрүп жатышкан. Делегациянын ичинен 2 жарандан коронавирус табылганы айтылат.