Кечээ, 25-октябрда Аламүдүн районундагы Мыкан айылында жаңы курулган мектептин ачылышы болуп өттү. Бул тууралуу президенттин аппаратынын басма сөз кызматы билдирген.
Ачылыш аземи президент Садыр Жапаровдун катышуусунда өтүп, өлкө башчы окуучуларга сабак өтүлүп жаткан учурда класстык бөлмөгө кирген. Анын артында тактада жазылып турган топтун орусча аталышы «мяч эмес, мяк» деп жазылып калган.
«Мяк» жазуусу коомчулукта катуу талкуу жаратып, буга ылайык Аламүдүн райондук билим берүү бөлүмү түшүндүрмө берген.
«Тактадагы жазуу атайын жазылган. Мугалим окуучулардын билим деңгээлин, мурдагы өткөн темаларды текшерүү үчүн атайылап ката жазган. Мунун максаты окуучулар ката жазууну туура жазышы керек болчу», — дейт ал.
