Саламаттык сактоо министрлигине караштуу Ысык-Көл облустук медициналык маалымат борборунун жетекчисинин жана кызматкерлеринин эмгек акысына мыйзамсыз үстөк кошуп эсептөө фактылары аныкталды. Бул тууралуу УКМКнын басма сөз кызматы билдирди.

Аталган саламаттык сактоо уюмунун кызматкерлери, өкмөттүн «Оор жумуштарга жана эмгек шарттары зыяндуу же кооптуу жумуштарга кошумча акыларды белгилөө тартиби жөнүндө жобону жана өзгөчө эмгек шарттары бар иштердин (оор жумуштар, эмгектин зыяндуу, кооптуу жана башка өзгөчө шарттары бар жумуштар) түрлөрүнүн тизмегин бекитүү, өзгөчө климаттык шарттар менен иштөө туралуу 2015-жылдагы № 258-токтомуна таянуу менен, зыян келтиргендиги үчүн эмгек акысынын 25% өлчөмүндө үстөк акы алышкан, бирок тиешелүү ченеми 2022-жылдын август айында күчүн жоготкон.

Мындан тышкары аталган мекеменин жетекчилиги 2011-жылдагы №13 «Саламаттыкты сактоо кызматкерлерине эмгек акы төлөө жөнүндө» токтомуна таянып, эмгек акысын 5% өлчөмүндө үстөк акы алып турган, ал токтом 2022-жылдын мартында күчүн жоготкон.

Тергөөгө чейинки текшерүүнүн алкагында Саламаттык сактоо министрлигине караштуу Ысык-Көл облустук медициналык маалымат борборунун жетекчиси жана кызматкерлери тарабынан келтирилген зыяндын орду толугу менен толтурулган.