Жакын арада өсүмдүк майы менен кумшекердин баасы түшөт. Бул тууралуу бүгүн Монополияга каршы жөнгө салуу мамлекеттик агенттигинин Бишкек шаары жана Чүй облусу боюнча бөлүмүнүн башчысы Сагындык Маматоморов маалымат жыйында билдирди.
Анын айтымында, августтун аяганы чейин Кыргызстанда кошумча нарк салыгы нөлгө барабар болгон 40 тонна кумшекер келет.
«Быйыл Россияда түшүм жакшы, алар 19,3 млн тонна күн карама жыйнашты. Ушуга байланыштуу акыркы айда Россияда майдын дүң баасы арзандап жатат. Жакын арада май жана кумшекердин баасы арзандайт», — деп түшүндүрдү ал.