Буга чейин интернет тармактарында жаш өспүрүм баланы чоң аял киши уруп жаткандыгы боюнча видео тараган.
19-август күнү Жалал-Абад ШИИБне Сузак районун Октябрь айылынын убактылуу жашоочусу 1991-жылы туулган Ю.Я. аттуу жаран арыз менен кайрылган. Анда 17-август күнү саат 18:30 чамасында Жалал-Абад шаарынын Токтогул көчөсүндө орун алган “Плаза” соода борборунун 4-кабытында 2012-жылы туулган М.С. аттуу баласын өзүнө бей тааныш болгон азият улутундагы жашы 30-35 жаш курактагы аял киши бети башына колу менен уруп койгон.
Натыйжада 2012-жылы туулган М.С. баш мээсинин чайкалуусу менен Жалал-Абад областтык балдар ооруканасына жаткырылган.
Жалал-Абад ШИИБдин Тергөө кызматы тарабынан кылмыштардын бирдиктүү реестрине Кылмыш жаза кодексинин 280-беренеси (бейбаштык) менен катталып, кылмыш иши козголгон.
Ал эми аталган кылмыш ишине шектүү катары Сузак районунун тургуну 1994-жылы туулган А.Н. кармалып, Жалал-Абад ШИИБдин убактылуу кармоочу жайына 48 саатка киргизилди.
Учурда тергөө амалдары жүрүп жатат.
