Бишкекте өтүп жаткан элдик Курултайда Министрлер кабинетинин төрагасы салык төлөө зарыл жана маанилүү экендигин билдирди.
«Алдыга койгон максаттарга жетүү үчүн Кыргызстандын ар бир жаранынын колдоосу керек. Биринчиден, элди биримдикке чакырып берсеңиздер. Экинчиден, мамлекеттин бүтүндүгүнө баарыбыз бекем турсак. Үчүнчү, мындан ары Кыргызстанда ажал кудайдан болсо, салык кыргыз өкмөтүнөн болот. Салыкты төлөмөйүнчө тынч эч ким уктабайт»,-деди ал.
Белгилей кетсек, Курултайга өлкөнүн бардык облустарынан жана аймактарынан 1000ден ашуун делегат, ошондой эле Жогорку Кеңештин депутаттары, министрлер кабинетинин мүчөлөрү жана өлкөнүн мамлекеттик органдарынын жетекчилери катышууда.
Курултайдын жыйынтыгы боюнча биринчи элдик Курултайдын резолюциясы кабыл алынат.