Президент Садыр Жапаров Чолпон-Атадагы эс алуу багынын ачылышында жергиликтүү тургундар менен жолугуп жатып, Түп районунда жол боюнда жергиликтүү бийлик өкүлдөрүн урушканы боюнча токтолду.
«Түптүн борборунан өтүп келе жатсам, аткана бул жерде калсын. 3 ай мурун кыш кетти. Кышында жолго сепкен кум ошол бойдон жатат. Жол жээгиндеги таштандыны сурабагыла. Мындайча айтканда, чочкокана болуп калыптыр. Токтоп алып сөгүш жарыялап, тазалагыла деп айтып келдим. Мен муну менен эмнени айтайын деп жатам. Жасап берген нерсени пайдалангыла деп берсең, ошону да колдонгонду билбейбиз. Сүйлөсөк, сындасак асмандын башын сүйлөйбүз. Өзүбүз оңололу деп айткым келип жатат» — деди ал.