Жоламан Шаршенбеков грек-рим күрөшү боюнча Дүйнө чемпионатынын жарым финалга чыкты. Бул тууралуу United World Wrestling уюмунун сайты билдирди.
Маалыматка ылайык, Жоламан 60 кг салмакта мелдештин 1/8 финалынан баштап күчүн сыноодо. Ал алгач белорустук Максим Кажарскиге каршы килем үстүнө чыгып, аны 2:0 эсебинде утуп алды.
Чейрек финалдык беттеште грузиялык балбан Ираклий Дзимистаришвилинин далысын жерге басып, жеңишке жетти.
Эскерте кетсек, Осло шаарында өтүп жаткан Дүйнө чемпионатына Кыргызстандан 15 балбан барган.