Чүйдүн Беловодское айылындагы 86123 аскер бөлүгүнүн өздүк курамы менен Өзгөчө кырдаалдар министри Бообек Ажикеев жеке сүйлөшүүлөрдү өткөрдү. Бул Бекзат Эсенбековдун сабалышынан улам, мындай окуялардын алдын алуу максатында уюштурулган. Министр тиешелүү кызматкерлерге мындан ары мындай иштерди болтурбоо, алдын алуу иштерин күчөтүү милдетин тапшырды.
Мындан сырткары анык мөөнөттөгү кызмат өтөп жаткан жоокерлердин жатаканасы, ашканасы, мончосу, азык-түлүк кампасы жана тамактануусун жеке өзү текшерип чыкты.
Эске салсак, Беловодское айылындагы Өзгөчө кырдаалдар министрлигинин аскер бөлүгүндө кызмат өтөп жаткан 20 жаштагы жоокер Бекзат Эсенбеков катуу сабалганын жакындары айтып чыгышкан. ӨКМ окуя боюнча билдирүү таратып, ички иликтөө жүргүзүлүп, иш Аскер прокуратурасына өткөнү маалымдалган. Учурда жоокер ооруканада.
