Малайзиянын премьер-министри Анвар Ибрагим Кыргызстанга расмий сапар менен келди.
“Манас” эл аралык аэропортунан жогорку даражалуу конокту министрлер кабинетинин төрагасы Акылбек Жапаров тосуп алды.
Аэропорттогу флагштокторго Кыргызстандын жана Малайзиянын мамлекеттик желектери илинип, ардактуу кароолдун ротасы тизилген.
Сапардын алкагында жогорку жана бийик деңгээлдеги жолугушуулар пландаштырылган. Жолугушуулардын жүрүшүндө кыргыз-малайзиялык мамилелерди саясий, соода-экономикалык, энергетикалык жана маданий-гуманитардык тармактарда ар тараптуу өнүктүрүү маселелери талкууланат.
