Жалал-Абад облустук прокуратурасы тарабынан жүргүзүлгѳн текшерүү учурунда, тоо-кен тармагындагы «Ч.З» жабык акционердик коомуна айыл чарба жерлеринин жоготуулары үчүн акча каражатын тѳлѳбѳгѳндүгүнө карабастан, «Кадастр» мамлекеттик мекемесинин Чаткал филиалы аталган компанияга ѳндүрүш үчүн убактылуу жер пайдаланууга күбѳлүк жана 726 га жер тилкесин берип жиберген.

Аны менен катар, «Кадастр» мамлекеттик мекемесинин жогорудагы филиалы жоготуулар менен алынбай калган пайда 4 624 620 сом деп көрсөткөнү, туура эмес болуп чыкты.

Экотехинспекциянын Аксы, Ала-Бука жана Чаткал райондору боюнча башкармылыгы, айыл чарба жоготууларынын жана алынбай калган пайданын ѳлчѳмү 133 739 682 сом экендигин тастыктаган.

Ошол себептен, облустук прокуратура тарабынан «Ч.З.» ЖАКна жана «Кадастр» мамлекеттик мекемесинин Чаткал филиалы менен биргеликте мамлекеттин пайдасы үчүн айыл чарба жоготууларын өз убагында тѳлѳбѳгѳндүктѳрү жана алынбай калган пайданы ѳндүрүү үчүн сотко доо арыз киргизилген.

Чаткал райондук соту тарабынан доо арыз жарым жартылай канааттандырылып, жогорудагы тараптардан       103 307 003 сом ѳндүрүү жѳнүндѳ чечим чыкты.