Жогорку кеңештин мурдагы депутаты, экс-губернатор, мамлекеттик жана коомдук ишмер Аалы Карашев: Аймактык-административдик реформа ар башка бийлик учурунда башталып, кайра токтоп жатып, аны эми гана ишке ашырууга кириштик десе болот. Башында өлкөдө 472 айыл аймагы бар эле, аларды ирилештирүү жана төрт деңгелдүү башкаруу керекпи же кереги жокпу деген маселелер 28 жылдан бери талкууланып келген.
Орчундуу маселелердин бири – салык жер-жерлерде чогултулат, ишканалардын басымдуу көпчүлүгү дагы ошол аймактарда катталган, бирок кармалган салык борборго жиберилет дагы, өкмөт кийин анын кайсы бир бөлүгүн кайра жер-жерлерге берип, кээде – силер дотацияда отурасыңар деп, аларды жемелейт. Жергиликтүү бийликтин бюджеттик көз карандысыздыгы Конституцияда дагы жазылган, бирок бул багыттагы чечиле эле маселелер али да көп. Алардын каржы көз карандысыздыгы күчөтүлүүгө тийиш…
