Ушул жылдын 2-январында Бишкектеги №4 төрөтканада 3 эмди жарыкка алып келген 37 жаштагы Анаркүл Камчыбек кызы 7-каналга кайрылды.
«Саламатсыздарбы. Кыздарымдын аттарын Нагима, Айыма, Элима деп койдук. Жалпы 6 балабыз бар. Жолдошум таксист болуп иштейт. Кыздар төрөлөрүнө аз калганда шарты жакшыраак батирге көчүп барганбыз. Азыр үйүбүз жок, батирде жашайбыз. Жөлөк пул да чегеришкен жок. Кайрылуумдун себеби, бизге дагы үй берип койсо жакшы болмок… Бишкек мэриясы тарабынан убагында сүйүнчү акча деп 150 миң сом алганбыз. Социалдык камсыздоо 90 миң сом берген. Учурда жолдошум эле иштейт, анын тапканы балдарды бакканга жетпейт», — деди Анаркүл айым.
