ЖКККББнын кайгуул кызматкерлери бөлүнгөн аймакта кызмат өтөп жаткан учурда, Жукеев-Пудовкин жана Сүйөркулов көчөлөрүнүн кесилишинен «Mercedes-Benz G-Class» үлгүсүндөгү унааны мыйзамсыз караңгылатып алган терезеси үчүн токтотушкан.
Текшерүү учурунда унаанын айдоочусу маселени жеринде чечүүгө аракет кылып, тааныштарына чалган. Бирок кызматкерлер мыйзамсыз караңгылаткан терезени жеринен сыйрып, 20 миң сом айып салышкан.
«Урматтуу айдоочулар унааңыздарга кошумча жабдыктарды мыйзамдуу түрдө орнотуңуздар. Жасаган укук бузууларыңыздарга ар кимге чалып суранбай, кызматкерлердин убактысын албай, өзүңүздөр татыктуу жооп бериңиздер же жөн эле жүрүңүздөр»,- деп эскертет ЖКККББ.
